Ermias Kidane Haileslasie

ኤርሚያስ ኪዳነ  ሃይለስላሴ

25 ጥሪ 1981 – 15 ነሓሰ 2019

ኣቶ ኤርሚያስ ኪዳነ ሃይለስላሴ ካብ ኣቦኡ ኣቶ ኪዳነ ሃይለስላሴን ከምኡ፡ውን ካብ ኣዲኡ ወ/ሮ ኣበባ ዑቕባገብርኤልን ኣብ ኣዲስ ኣበባ  ጥሪ 25, 1981 ዓ.ም.ፈ. ተወሊዱ። ብንኡሱ ብክንክን ወለዱ ተሃኒጹ ኣብ ኣዲስ ኣበባ 2ይ ደርጃ ትምህርቱ ኣጠናቒቑ።

ኣብ ኢትዮጵያ ከሎ በቲ ንኡስ ዕድሚኡ፥ በቲ ዝነበረ ኩኑታት፥ ከም ኩሉ ኤርትራዊ ካብ ኢትዮጵያ ምስ ስድራ ቤቱ ተፈናቒሉ ናብ ኤርትራ ብ1999 ዓ.ም.ፈ. ኣትዩ፥፡  ኣብ ኤርትራ ከም ኩሉ ኤርትርዊ መንእሰይ ኣብ ሳዋ ኣገልግሎት ፈጺሙ ብድሕሪኡ ከኣ ንስደት ናብ ሱዳን ኣምሪሑ።

ካብ ሱዳን ብ 2003 ዓ.ም.ፈ. ኣብ Edmonton ምስ ኣልጋነሽን ሰናይትን ኣሕዋቱ ብዓቢ ሓጎስ ተጸንቢሩ።

ብ15 ነሓሰ 2019 ዓ.ም.ፈ. ካብዛ ዓለም ስጋብ ዝፍለ፥ ብፍቕርን ስኒትን ህይወቱ ይመርሕ ኔሩ፡፡ ብምሉኣት ስድራ ቤትን ኣሕዋቱን ኣሓቱን ከኣ በቲ ሰሓቑን ዕላሉን ጸወትኡን እናተዘከረ ክነብር ኢዩ።